Аслияб гьумералде

Лъай камил гьабиялъул курсал

Лъай камил гьабиялъул курсал

Лъай камил гьабиялъул курсал

«Современные подходы к укреплению общероссийской гражданской идентичности и профилактика деструктивного воздействия на молодёжь в сети интернет и социальных сетях» абураб программаялда рекъон, Дагъистаналъул гуманитарияб институталда тIобитIана лъай камил гьабиялъул курсал.

Гьезда гIахьаллъи гьабуна диниял хIаракатчагIаз, рухIияб лъай кьеялъул гIуцIабазул хIалтIухъабаз.

Курсазда гIахьаллъараз бицухъе, гьел ратана цIакъ пайдаял, жамгIияталдагун гIолилазда гьоркьоб хIалтIи гьабиялъе кутакалда санагIатал.

Масала, ЦIияб ГIурада росдал имам ГъазимухIаммад Рамазановас бицухъе, гьеб бакI сабаблъун ккана тIадеги лъай щвеялъе ва цогидазул хIалбихьиялдаса пайда босизе санагIатаб майданлъун.

Курсазда гIахьаллъаразе кьуна сертификаталги. Гьел кьеялъул тадбиралда гIахьаллъана ДГИялъул ректор НухIкъади БахIмудкъадиев, ДРялъул миллияб политикаялъул ва диниял ишазул министрасул тIоцевесев заместитель Арсен МахIмудов, диниял ишазул рахъалъ управлениялъул начальник МухIаммад МухIаммадов ва цогидалги.

2026-04-15 (Зул къагIида 1447 с.) №8.


Имам АбулхIасан АшгIариясул хIакъалъулъ тIехь

ДРялъул муфтияталъул гIелмияб отделалъ хIадур гьабун буго кIудияв имам АбулхIасан АшгIариясул гIумруялъул ва гIелмуялъул бицараб тIехь.  КватIичIого гьеб бачIине буго къватIибе ва гьелдаса пайда босизе бегьула бокьарав чияс, хасго студентаз, исламияб гIелму лъазабулез.


Цоги аманат

Аллагьас ﷻ аманат гьабун кьуразул цояб буго чиясул сахлъи, къаркъала. Диналъги чи ахIула аманат гьабураб цIуниялде. Сахлъи цIуни ккола аманат гьабураб тIубазаби гуребги, чиясул гIумру сах-саламатаблъун букIиналъе сабабги. Аманат абураб жоги ккола нилъехъе кьураб жо кьураб куцалда нахъбуссинаби....


Балагьаздалъун хIалбихьи

ХIурматиял бусурбаби, гьаб гIагараб заманалда нилъер Дагъистаналъул бакI-бакIазде бачIана ракIалдаго букIинчIеб къварилъи. Гьелъие сабабалъунги ккана бараб чваххунцIад. Гьелъул хIасилалда Дагъистаналъул тахшагьар МахIачхъалаялда, Хасавюрт районалъул росабалъ ва цогидал бакIазда лъим рукъзабахъе...


СВОялъулал кIочон толаро

«Зебра» абураб спортивияб комплексалда тIобитIана гьабсагIаталда отпускалда ругел СВОялъул гIахьалчагIазе тадбир. Гьелъул хIаракатчагIилъунги церерахъана «Каспий» батальоналъул имамлъун вукIарав ва гьанже муфтияталъул северияб округалда вугев вакил МухIаммад Мукъошдибиров,...


ХIикматал махлукъатал

Морж   ЧIахIиял рухIчIаголъабазул цоял ккола моржал. Гьел руго тIом биццатал ва гьелъ кумек гьабула гьезие квачалдаса цIунизе. Габуралъул тIасияб рахъалъул тIом  букIуна 10 сантиметралъ биццатаб.   Гьезда кIола рекIел кьабиялъул хехлъи-хIинцIлъи жидеего бокьухъе бачине. Лъим...