«Кавказалъул рагъул бахӀарчияб эпос – АхӀулгохI»
Дагъистаналъул гуманитарияб институталда тӀобитӀана Кавказалъул рагъул аслиял лъугьа-бахъиназул цояблъун кколеб АхӀулгохIалъул рагъул хӀакъалъулъ бицараб данделъи. Гьеб тадбиралда гIахьаллъана экспертал, тарих бокьулел, студентал.
Данделъи нухда бачана ДГИялда цебе бугеб «Тарихалъул каваби» абураб тарихияб централъул директор Мурадула Дадаевас.
Гьениб бицана гьеб рагъ ккеялъе гӀиллабазул, рагъул заманалда кӀиябго рахъалъ хӀалтӀизабулеб букIараб стратегиялъулгун тактикаялъул.
Гьединал тадбираз куцала патриотизм ва малъула батӀи-батӀиял халкъазул тарихалъулгун маданияб ирсалъул адаб гьабизе.
