БахIарчигун дандчIвана муфти

Дилим росулъ цIа ккараб мехалда унго-унгояб бахIарчилъи бихьизабурав МВДялъул хIалтIухъан Рамазан Устаевгун дандчIвана ДРялъул муфти, шайих АхIмад-афанди. Полициялъулас, жиндирго гIумруялъе бугеб хIинкъиялъухъги балагьичIого, жанивеги кIанцун, цIа ккараб рокъоса къватIиве восана лъавудаса арав рукъалъул хважаин.

Шайих АхIмад-афандица баркала кьуна Рамазание ва абуна дуца гьабураб иш кколин, хIакъикъаталдаги, унго-унгояб бахIарчилъиги цогидазе бихьизабураб мисалгиян.