Аслияб гьумералде

«Марьям» - кумек хIажатазухъе бегьулеб квер

«Марьям» - кумек хIажатазухъе бегьулеб квер

Дагъистаналъул тахшагьар МахIач-хъалаялда рагьана «Марьям» абун цIар кьураб руччабазул рухIияб центр.

Гьеб рагьиялъулаб тадбиралда гIахьаллъи гьабуна респбуликаялъул машгьурал руччабаз: власталъул вакилзабаз, жамгIиятчагIаз ва цоги-цогидалги ишазда ругез.

ТIаде рачIарал гьалбадерие рухIияб централда гьабуна экскурсия. ЩутIалаяб мина хьезабун буго хIажатабщиналдалъун ва гьениб бокьараб мехалда рес буго руччабазе кумек гьабизеги. Гьединго, жидерго иш роцIцIинегIан, гьенир сардал разе бегьула захIмалъиялде ккараз. Гьелъиеги руго киналго шартIал чIезарун.

Чанго соналъ цебеги гIемерисел руччабазда лъалароан хъизамалда, хIалтIуда ва жамгIияталда дандчIварал масъалаби кин тIуразарилелали, кин гьездаса рорчIилелали, кумек гьарун лъихъе ине кколелали. Жакъайин абуни гьеб рахъалъ абизегIанасеб къварилъи гьечIо. Щайгурелъул гьединал захIмалъаби дандчIварал руччабазе кумек гьабизелъун рагьун бугелъул «Марьям» центр. Гьениб щияй чIужугIаданалда батизе буго мугъчIвазесеб бакIги, щвезе буго хIажатаб кумекги, гIакълуги. ПалхIасил, централде рачIарал кумек щвечIого нахъе ине гьечIо.

 «Марьям» центр хIалтIула сордо-къоялда жаниб. Гьение ячIинеги бегьула бокьараб ригьалъул, миллаталъул ва диналъул гIадан. Кумекги гьабула чIобого.

Централъул учредитель ккола Дагъистаналъул муфтият.

2026-04-15 (Зул къагIида 1447 с.) №8.


Дагъистаниязде хитIаб

ХIурматиял диналъул вацал ва яцал, Дагъистаналда бараб чвахунцIадалъ гьабураб къварилъи нилъее ккола иргадулаб хIалбихьилъун.   ТIоцебесеб иргаялда, гIезегIан чи махIрумлъана мина-карталдаса ва магIишаталдаса. Гьайгьай, гьебги ккола тIаде тIамураб хIалбихьилъун. КIиабизе, тIабигIияб...


Муфтияталда дандчIвана

ДРялъул муфтияталда, муфтиясул гIакълучIужу ГIайна ХIамзатова, дандчIвана СВОялда араб бакI лъачIого тIагIарал рагъулал хъулухъчагIазул улбулгун ва лъудбигун.  Гьединго, гьеб тадбиралда гIахьаллъи гьабуна Россиялъул БахIарчиясул эбел, МахIачхъала шагьаралъул №54 школалъул директор Сапижат...


Сабру тIагIин буго балагь

Кинаб бугониги балагь бачIиндал, нилъеда ракIалде ккола гьабунщинаб гIадада хванин, дица щиб гьабилебин абун, сабру тIагIуна.   Гьеб буго мекъаб пикру, гьединаб лъугьа-бахъиналда сабру гьабун чIезе ккола. Сабру гьабиялъулъ буго инсанасул къуват, бусурбанчиясул иман. Балагь бачIиндал, гьелъ...


ХIажатазе кумек гьабула

БетIергьанас ﷻ халкъ бижун буго цоцазе кумек гьабулеллъун, ай цоцада жидер гIумруялъул шартIал хурхараллъун. Гьединлъидалин паризаяб закагIаталде тIаде суннатаб садакъа кьейги лъикIаблъун бихьизабун бугеб исламалда жаниб. Дагъистаналда руго гIезегIан гурхIел-рахIмуялъул фондал.  Гьезул аслияб...


Гьикъизе нечараб бицине намусаб

Свакан вукIуна...   Дун росасе ана цо жигарав чиясе. Ниж рукIана бищунго лъикIал рос-лъадилъун. Гьес рагIи кьун букIана цадахъ гIемераб заман базе, цадахъ сапар бухьине, тира-сверизе. Амма гьанже дир ракI буссунеб буго. Гьев кидаго свакан вукIуна. Сундулго интерес гьечIо гьесие. Дир цониги...