ГIезегIан захIмалъаби рихьана...

Темирбегил МухIаммадил вас КIуйда ккола Гумбет районалъул МелъелтIа росулъа. Гьесулгун гьабураб гара-чIвари бахъулеб буго гьаниб гъоркьехун.

- КIуйда, бокьилаан гьитIинаб мехалда бихьараб захIматгIакъубаялъул бицани.

- Ниж, гIисинал лъимал, рукIунаан хандакъал рухъулел гIадамазе, солдатазе кумек гьабулел. Ракъи-къечги бихьана, кваназе квен щоларого ана лъимерлъи. Гьанже Аллагьас кутакалда лъикI хьихьун руго, АлхIамдулиллагь.

- Доб заманалда цIали гьабизе ва как-кIалалъе квалквал букIанищ?

- Дун гIелму цIаларав чи гуро, амма гIелму цIалулел дие кутакалда рокьула. Гьединазда аскIов вукIиналъ лъана Къуръан цIализе ва какил шурутIал. Нижер росулъ вукIана Сулейман-дибир абун гIалим. Нижеца, кигIан захIмат бугониги, гьесухъеги ун лъазабулаан какил жал.

- «Ас-салам» газеталъулгун гьудуллъи кидал ккураб?

- Дида ракIалда гьечIо, цебегоялдаса нахъе букIин хIакъаб буго. Гьеб буго кутакалда мунпагIат бугеб газета. Дир хъизанги йикIуна кидаго гьеб бачIиналъухъ балагьун чIун.

ГАРА-ЧIВАРИ ГЬАБУНА ХАЛИД ПАЙЗУЛАЕВАС